Të rejat e fundit

TESTI SASIOR IMUNOKIMIK FEKAL (FIT)

Testi më i mirë jo-invaziv i Gjakut Okult në feçe për skrinimin e kancerit kolorektal

Për shkak të thjeshtësisë dhe performancës së tij të lartë të testuar, Testi sasior Imunokimik Fekal (FIT) aktualisht konsiderohet testi më i mirë jo-invaziv i Gjakut Okult në Fece (FOB) për ekzaminim e Kancerit kolorektal (të zorrës së trashë).

Duke qënë se testimi FIT mund të zbulojë gjakun okult në feçe, konsiderohet si një ekzaminim efektiv dhe i dobishëm për mjekët që do të përcaktojnë ata pacientë të cilët do të duhet t’i nënshtrohen hetimeve të mëtejshme të konsideruara më invazive.

Testimi FIT është i dobishëm dhe efektiv për mjekët në rastet e pacientëve me shenja të pakta ose në rastet kur shenjat mungojnë.

Marrja e mostrës me testin FIT (Tubin Sentifit) është mjaft e lehtë dhe mund të kryhet në shtëpi.

TESTI I FRYMËMARRJES PËR HELICOBACTER PYLORI

Testim i saktë, jo invaziv dhe i shpejtë për diagnostikimin e Helicobacter Pylori (shkaku kryesor i ulçerave të stomakut dhe duodenit).

Testi i Frymëmarrjes përdoret:

  • Për të detektuar raste aktive të infeksioneve pylori.
  • Për të përcaktuar nëse një pacient është infektuar aktivisht me pylori, para edhe pas terapisë. Rezultati pozitiv i testit të frymëmarrjes C14, tregon vetëm se pacienti është infektuar në mënyrë aktive me Helicobacter Pylori.
  • Testi i frymëmarrjes mund të shmangë që pacientë me serologji pozitive të pylorit (por pa shenja të infeksionit aktiv) të trajtohen në mënyrë të panevojshme me antibiotikë. Testi i frymëmarrjes (UBT) C14 rezulton pozitiv vetëm në pacientët me prani aktive të Helicobacter Pylori.
NIPT VERACITY/VERAGENE

Testi Prenatal Jo Invaziv i Gjeneratës së re

Një test i thjeshtë gjaku mund ti japë mjekëve një informacion të gjerë rreth riskut që ka nëna për të lindur një fëmijë me probleme.                                                                                                

Mësoni rreth testit që po e bën skrinimin gjenetik gjithmonë e më të besueshëm. E dinit që copëza të ADN-së së bebit qarkullojnë në gjakun e nënës?

Testi prenatal jo invaziv (NIPT) përfaqëson një skrinim të thjeshtë të gjakut që analizon pikërisht këtë ADN (të quajtur ADN e lirë qelizore) për të përcaktuar riskun për një numër çrregullimesh gjenetike, përfshirë edhe sindromin Doën. VERACITY TEST është një test prenatal (realizohet para lindjes) që analizon AND-në e lirë qelizore të bebit të marë nga gjaku i nënës, duke përcaktuar kështu riskun që ka nëna për të lindur një fëmijë me çrregullime gjenetike. Rezultati i këtij testi ndihmon nënën dhe mjekun për të përcaktuar hapat e mëtejshëm.

NIPT-i kryhet nëpërmjet një marrje të thjeshtë dhe të shpejtë të gjakut me një shiringë të zakonshme, pa cënuar në asnjë formë nënën dhe bebin. Gjaku më pas dërgohet në laborator ku ekzaminohet ADN-ja e bebit nga gjaku i nënës për të përcaktuar anomalitë, nëse ka.

Ky test gjithashtu përcakton me saktësi edhe gjininë e bebit që në javën e 10-të të shtatëzanisë dhe mund të kryhet edhe në shtatzani binjake.

Intermedica e ofron këtë test në 4 panele të veçanta:

Varianti A: Veracity (Trisomia 21;18;13)                        

Varianti B: Veracity (Trisomia 21;18;13 + Fetal Sex)

Varianti C: Veracity (Trisomia 21;18;13+Fetal Sex+Aneuploidite XY)              

Varianti D: Veracity (Trisomia 21;18;13 + Fetal Sex + Aneuploidite XY + Mikrodelecionet)                

Rekomandimet më të fundit të ACOG (Kolegji Amerikan i Obstetrikës dhe Gjinekologjisë) janë që mjekët duhet të marin parasysh të gjitha mundësitë e skrinimit tek të gjitha gratë shtatzëna, pavarësisht moshës ose riskut. Vendimi është personal dhe kjo fazë konsulence është tepër e rëndësishme. 

Në krahasim me testet e tjera, Veracity është testi më i saktë për të përcaktuar riskun që ka nëna për të lindur një fëmijë me çrregullime kromozomike. Duke qënë se ky test realiozhet që në javën e 10–të të shtatzanisë, nuk ka risk për abort pasi nuk është test invaziv dhe ka saktësi mbi 99%, pra padyshim Veracity mbetet testi ideal prenatal.                   

NEW BORN SCREENING

Analiza Metabolike për të porsalindurit

New Born Screening është një test i thjeshtë që detekton çrregullime gjenetike të cilat mund të shkaktojnë një pengesë në rritjen dhe zhvillimin normal të fëmijës dhe gjithashtu vonesa mendore dhe/ose sëmundje kërcënuese që mund të cojnë deri ne vdekje.

Zbulimi i hershëm, diagnoza dhe ndërhyrja mund të parandalojnë paaftësitë dhe t’u mundësojnë fëmijëve një zhvillim të plotë.

Me një test të vetëm ju mund të kontrolloni fëmijën tuaj për 58 sëmundje të ndryshme. Ekziston mundësia e trajtimit për pjesën më të madhe të sëmundjeve që depistohen. Trajtimi mund të përfshijë dieta të posaçme apo medikamente. Foshnjat që marrin trajtim të hershëm dhe të vazhdueshëm mund të rriten e të gëzojnë jetë të gjatë e produktive. Vetëm për disa prej sëmundjeve të detektuara nuk ka trajtim efektiv.

Depistimi metabolik i të porsalindurit duhet të kryhet brenda 48-72 orëve nga lindja dhe preferohet 24 orë pas ushqyerjes me proteina, por ka disa rrethana të caktuara në të cilat ky ekzaminim shtyhet për disa ditë, në këto raste do të informoheni nga mjeku.

Misioni ynë është ti mundësojmë çdo të porsalinduri një skrinim të suksesshëm, efektiv dhe gjithëpërfshirës.

PANELI I ALERGJISË ME ALLERGY EXPLORER

Zgjidhja e duhur për të njohur më mirë alergjitë

 

Teknika e diagnostikmit të alergjive në nivel molekular është pjesë e mjekësisë së personalizuar, falë së cilës identifikohet ndaj cilit përbërës alergen është i sensibilizuar pacienti dhe, në varësi të karakteristikave individuale të secilit, përcaktohet terapia më e përshtatshme e mjekimit. 

Krahas paneleve që deri më tani kemi përzgjedhur për t’u përshtatur me karakteristikat e zonës Mesdhetare ku bëjmë pjesë, paneli i ri Alex, përfaqëson plotësimin e të gjitha nevojave që pacientet mund të kenë, duke mbuluar deri në 99% të kërkesave të alergologut për vendosje diagnoze.

Ky panel ofron analizimin e 295 alergenëve, prej të cilëve 180 në nivel molekular. Falë mënyrës së përpunimit të mostrës kemi avantazhin e madh të reduktimit të riskut për reaksione të kryqëzuara deri në 95% të zhvillimit të tyre. Ne jemi pranë pacientëve me një gamë të gjërë të paneleve të alergjisë për t’i ofruar alternativën më të mirë dhe më të përshtatshme.

ALERGJIA MOLEKULARE

Mjekësia në shërbim të diagnozës së personalizuar

 

Medikamentet moderne shpëtojnë miliona jetë në vit. Megjithatë jo secili mjekim mund të funksionojë për ju, siç funksionon për njerëzit e tjerë. Mosha juaj, mënyra e jetesës dhe shëndeti janë të gjithë faktorë që ndikojnë në reagimin tuaj ndaj medikamenteve. Mjekësia e personalizuar synon të individualizojë kujdesin shëndetësor nëpërmjet diagnostikimit dhe trajtimeve të veçanta për çdo pacient.

 

Laboratori Intermedica, i pari laborator që ka ofruar dhe vazhdon të ofrojë diagnostikimin molekular të alergjisë nëpërmjet punimit të testeve specifike të alergjisë molekulare.

Panelet e alergjisë molekulare janë si më poshtë:

  • DPA-Dx Ushqimor
  • DPA-Dx Pollen
  • DPA-Dx Venom South Europe
  • DPA-Dx Insect Venoms 1
  • DPA-Dx Insect Venoms 2
  • DPA-Dx Milk 1

 

Përveç paneleve të alergjisë molekulare në laboratorin Intermedica testohen dhe panele të tjerë:

  • Atopy Screen (kombinim inhalator dhe ushqimor)
  • Pediatric IgE (i përshtatur për fëmijët)
  • Food IgE (paneli ushqimor me 35 ushqime)
  • IgE Specifike Pneumoalergen
  • Pollen- Food Cross Reactions
  • Pediatrics Inhalation

 

Me panelet e personalizuara të alergjisë, Intermedica orienton pacientin drejt trajtimit më të duhur në kohën më të përshtatshme.

INTOLERANCA USHQIMORE

Testi më efikas për intolerancën ushqimore

Para së gjithash është e nevojshme të kuptojmë se çfarë është intoleranca ushqimore dhe mos ta ngatërrojmë atë me alergjinë ushqimore. Në fakt, intoleranca dhe alergjitë nuk janë e njëjta gjë. Intoleranca ushqimore ose hipersensibiliteti ushqimor është një reaksion i dëmshëm ndaj një ushqimi ose shtojce ushqimore, që mund të shkaktohet nga defektet enzimatike (psh. intolerancë ndaj laktozës apo histaminës), elementet farmakologjikë të ushqimeve (glutamatet, sulfitet, aminat vazoaktive apo shtojca të tjera), toksinat (aflatoksina), etj.

Shpesh herë intoleranca ushqimore mund të shkaktojë simptoma në nivel të stomakut ose zorrëve. Simptomat më të shpeshta janë: vështirësi në tretje, diarre, konstipacion, meteorizëm, nauzë, kolon i irrituar, astmë, migrenë, dermatit, dhimbje të artikulacioneve, mungesë përqëndrimi dhe çrregullime të peshës (shtim ose humbje të saj).

 

Intermedica ju mundëson kryerjen e testimit të intolerancës ushqimore me një panel që përfshin testimin e 54, 108 ose 216 ushqimeve ndaj të cilëve mund të shfaqni shqetësime.

Përcaktimi i intolerancës kundrejt ushqimeve dhe shtojcave ushqimore, mund të kryhet nëpërmjet një testi të vetëm me një marrje të thjeshtë gjaku. Ushqimet ndahen në kategori si drithëra që përmbajnë gluten, drithëra pa gluten dhe grupe ushqimesh si mish, qumësht dhe vezë, fruta, barëra dhe erëza, arra dhe farëra, perime, bishtajore, sallatra, kërpudha, peshk dhe produkte deti dhe ushqime të tjera të tilla si maja, mjaltë, kafe dhe çaji i zi.

Metoda Semikuantitative e përdorur (EUROIMMUN – Euro Line Scan) për Testin e Intolerancës Ushqimore është një procedurë e besueshme, e standardizuar në të gjitha aspektet e saj dhe e njohur shkencërisht.

Testimi për intolerancën ndaj ushqimit është i dobishëm për të diagnostikuar reagimin jonormal që organizmi juaj manifeston ndaj disa ushqimeve të caktuara.

PAP TEST

Kryerja e Pap Testit zgjat vetëm pak minuta, pasojat e kancerit të qafës së mitrës zgjasin gjithë jetën. Zgjidh parandalimin.

 

Pap Testi është një test skrinues, që mund të kryhet edhe në gratë e shëndetshme, pa ndonjë shenjë të sëmundjes dhe shërben për të zbuluar tumoret e hershëm të qafës së mitrës, ose ndryshimet që me kalimin e kohës mund të shkaktojnë këtë sëmundje. Implementimi i tij ka kontribuar ndjeshëm në uljen e vdekshmërisë nga kanceri i qafës së mitrës. Ky është një ekzaminim që duhet të kryhet rregullisht, çdo tre vjet, nga të gjitha gratë pas fillimit të aktivitetit seksual ose të paktën nga mosha 25 vjeç.

Cilat janë kushtet për kryerjen e Pap Testit?

Ekzamini duhet të kryhet në kushtet e mëposhtme:

  • Të kenë kaluar 24-48 orë nga kryerja e marrëdhënieve seksuale.
  • Të kenë kaluar të paktën 5 ditë nga përfundimi i ciklit menstrual.
  • Gjatë 2-3 ditëve para ekzaminimit këshillohet mospërdorimi i medikamenteve vaginale (ovula, kremra ose lavazhe vaginale, etj.).
  • Në 2 ditët para kryerjes së testit, nuk duhet të bëhet asnjë ekzaminim gjinekologjik ose ekografi transvaginale.
  • Nuk rekomandohet nëse ka prezencë të infeksionit bakterial. 

Pse është një ekzaminim tejet i rëndësishëm?

Pap Testi mund të detektojë tumorin e qafës së mitrës para se ky të zhvillohet dhe, siç e dimë të gjithë, diagnoza e hershme në sëmundjet e kancerit mund të shpëtojë jetën.

Në fakt, kanceri i qafës së mitrës është shumë i fshehtë, duke paraqitur simptoma vetëm në një fazë shumë të avancuar, kur patologjia është pothuajse gjithmonë e papërmirësueshme.

Ju ftojmë të kryeni këtë testim kaq të rëndësishëm për shëndetin tuaj pasi kontrollet periodike janë forma e vetme e mundshme e parandalimit.

Call Now ButtonTelefono Tani